ЦЪЫБЫРТТЫ СЫГЪД БАУЫН

ЦЪЫБЫРТТЫ СЫГЪД БАУЫН
Бынтон басудзын, сау фæнык фестын.

Цъыбыртты сыгъд баци Болайы хæдзар, йæ бынаты æртхутæг æмæ фæныкæй дарддæр ницыуал баззад. (Плиты И. Балцы зарæг.)

Адæм алы хъæуы дæр сæ ныхмæ æгæр куы лæууыдысты, уæд сын сæ хæдзæрттæ алы ран дæр цъыбыртты сыгъд бакодтой. (Ф. 1990, 3.)

Царциатæ æмæ Цъыбыртты 'хсæн зæххы тыххæй быцæу рауад. Хуырымтæ æмæ Бигъуылатæ дыууæ мыггаджы кæрæдзийыл бандзæрстой. Хуымтæ уарыны рæстæджы Царциатæн æппарæджы хай бакодтой. Бигъуылатæ æмæ Хуырымтæ фидис райдыдтой Царциатæн, зæгъгæ, нæм Цъыбырттæй дæлдæр мыггаг нæй æмæ уын хай нæ бакодтой, фæсурут сæ æмæ зæхх бынтондæр баззайа. Царциатæ сæм æхсæвыгон бацыдысты æмæ сæ бынысыгъд бакодтой. Бæстæ баззад Царциатæн. Хуырымтæ æмæ Бигъуылатæ Царциатæм æруырдыг сты, чи уын ратта, зæгъгæ, бар æмæ сæ быныскъуыд скæнат. Царциатæ загътой, зæгъгæ, сæ быныскъуыд нæ акодтам, сæ кой ма баззад «Цъыбыртты сыгъд».
Хуырымтæ æмæ Бигъуылатæ сæ се 'хсæн нал ныууагътой, зæгъгæ, уæ цæгъдгæ нæ кæнæм, фæлæ уын бынæттон царды бæсты цæугæ цард æвæрæм. Ацыт æмæ цæрддзу кæнут. Ам уын цæрæн нал ис. Цæугæ цардæй куы сфæлмæцыдысты, уæд минæвар барвыстой Хуырымтæ æмæ Бигъуылатæм: «Цы ми нын кæнут? Тугæй бæстæ байстам æмæ нын цæрынæн бынат нал дæттут?» Уыдон сæм бартхъирæнтæ кодтой: «Абонæй фæстæмæ уæ кой куы фехъусæм, уæд уæ бынтондæр ныццæгъддзыстæм. Кой дæр нал скодтой Царциатæ, абон дæр цæрддзу кæнынц. Цигантæ уыдон сты». (Джыккайты Ш. Ирон таурæгътæ. Ор.1989 аз). Дзауы кæмтты ма баззад Цъыбыртты кой, ц-гæнаг ныхасыздæхтыл чи дзуры, уымæй фæзæгъынц «цъыбыртт дзырд кæны».

Фразеологический словарь иронского диалекта. - Цхинвал:, Полиграфическое производственное объединение РЮО, 2-е дополненное издание. . .


Поделиться ссылкой на выделенное

Прямая ссылка:
Нажмите правой клавишей мыши и выберите «Копировать ссылку»